Belgili qırǵız jazıwshısı Shıńǵıs Aytmatovtıń “Jámiyla” povesti XX ásirdiń eń gózzal “muhabbat povesti” sıpatında tán alınıp, dúnyanıń 50 ge shamalas tiline awdarılǵan. Shıǵarma Jámiylanıń qáynisi bolajaq xudojnik Seyid tilinen bayan etiledi. Shıǵarma urıs jıllarında awıl turmısında, adamlardıń mashaqatlı turmısı, jámiyettiń bir ǵana buwını: Jámiyla hám Dániyar jáne Seyid shańaraǵı átirapında qálemge alınǵan hám usınıń menen urıstıń pútkil qorqınıshın kóz aldıńızda sáwlelendiredi.