Maqsud Shayxzoda Ikkinchi jahon urushi yillarida yozgan “Jaloliddin Manguberdi” (1944) dramasida oʻz yurtining ozodligi va mustaqilligi uchun moʻgʻul istilochilariga qarshi kurashgan soʻnggi Xorazm shohining jangovar jasoratini tarixan aniq va haqqoniy tasvirlagan. Yozuvchi asarida Chingizxonday qudratli kuchga qarshi tura olgan, mardonavor kurashgan Vatan tirgagi – Jaloliddin Manguberdining qahramonliklarini jonlantira olgan.