Iymon
O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning 2024-yil 4-noyabrdagi 03-07/6604-sonli tavsiyasi ila chop etilgan. Ushbu kitob 1991-yilda birinchi nashrdan chiqqan edi. Islomning tamal toshi – iymon javhariga bag‘ishlangan bu asar kitobxonlar tomonidan qizg‘in kutib olingan, tezda qo‘lma-qo‘l bo‘lib o‘qilgan edi. Iymon masalasi diynimizning asosi bo‘lgani tufayli, unga oid masalalarga bag‘ishlangan mazkur kitobga bo‘lgan talab va ehtiyojlardan kelib chiqqan holda, asarning ikkinchi, to‘ldirilgan nashrini chop etishga qaror qilindi. Yangi nashrda bir qancha maqolalarga qo‘shimchalar kiritildi. Shuningdek «Sunnat», «Sunnat va ilmiy mo‘jizalar», «Shariat», «Islom terrorga qarshi», «Islom giyohvandlikka qarshi», «Islom va tabiatni muhofaza qilish», «Islom mo‘tadillik dini», «Islomda inson huquqlari», «Islom va boshqa din vakillari», «Islomda ayollar huquqlari», «Ayollar va tenghuquqlilik» kabi bir necha yangi maqolalar qo‘shildi.
