O‘zbekiston Respublikasi Vazirlar Mahkamasi huzuridagi Din ishlari bo‘yicha qo‘mitaning 2021-yil 17-iyundagi 03-07/3903-sonli tavsiyasi ila chop etilgan Shayx Muhammad Sodiq Muhammad Yusuf hazratlarining qalamlariga mansub «Hadis va Hayot» turkumining «Anbiyolar qissasi» deb nomlangan 20-juzi Aziz kitobxon! Muhtaram payg‘ambarlar Allohning bandalari ichidan tanlab olgan va ularga O‘z ta’limotlarini vahiy orqali yuborib, ummatlariga yetkazishni topshirgan ma’sum va abror bandalari ekanini yaxshi bilasiz. Shu bilan birga, har bir nabiy va rasulning hayoti, bosib o‘tgan yo‘li, qilgan ishlari hamma uchun ibrat va o‘rnak ekanini ham juda yaxshi bilasiz. Ushbu kitobda esa Siz eng ishonchli va sof manba’ Qur’oni Karim va Hadis shariflar orqali 24 ta payg‘ambarlar qissalari bilan tanishib chiqasiz.