Saʼdiy Sheroziy ijodining gultojlaridan sanalmish “Guliston” – boy hayotiy tajriba asosida yaratilgan yirik pandnoma asardir. Unda oʻziga xos didaktik hikoyatlar va sheʼriy aforizmlar, hikmatlardan bir “guliston” tartib etilgan. Shayx Saʼdiy bu kitobni inson xulq-atvorining eng muhim jihatlariga bagʻishlagan. Asar shunisi bilan qimmatliki, unda kishilarga xos barcha fazilat va illatlar axloq nuqtayi nazaridan qaraladi. Bir vaqtning oʻzida qaysidir feʼlimizdan voz kechishga undasa, baʼzi xislatlarni oʻzimizda paydo qilishga daʼvat etadi.