Fransuz adibi Gi de Mopassan o‘z davridayoq minglab adabiyot muxlislarini o‘tkir tili, haqqoniy hikoyalari, betakror ijodi bilan rom eta olgan yozuvchi edi. U dunyo mumtoz adabiyoti tarixida kichik janr – hikoyachilikning yirik darg‘asi, o‘quvchini ham kulishga, ham yig‘lashga, ayni chog‘da, fikrlashga chog‘laydigan o‘lmas novellalari, Inson va Hayot haqidagi betakror romanlari bilan katta o‘rin tutadi.Mopassan asarlari bilan o‘zbek kitobxoni ham yaxshi tanish. Uning «Hayot», «Azizim» romanlari va bir qancha hikoyalari o‘zbek tiliga tarjima qilingan. «Girdob» hikoyasi ham kitobxonga Mopassan adabiy olami haqida yorqin tassavvur bera oladi.