A.S.Pushkin 1821-1823-jıllarda súrginde júrgen paytında Qırım xanlarınıń ataqlı Baxshasaray fontanın kórip, onnan qattı tásirlenedi hám usı shıǵarmasın dóretedi. Ondaǵı syujet XIX ásirdiń birinshi yarımında Qırımda, yaǵnıy Baxshasaray qalasında júz beredi. Qırımnıń xanı Gerey hám Mariya degen gózzal qızdıń ortasındaǵı sırlı muhabbat – shıǵarmanıń tiykarǵı ózegin quraydı. Xan sarayında bolıp ótken baxıtsız waqıya haqıyqat hám arzıw ortasındaǵı keskin qarama-qarsılıq nátiyjesi. Shıǵarmanıń hár bir qaharmanı ózleri qálegen nársege erise almaydı. Ondaǵı waqıyalar qayǵı menen juwmaqlanadı