Ulkan soʻz sanʼatkori Korney Chukovskiyning asarlarini katta-yu kichik oʻziga xos qiziqish va maroq bilan oʻqiydi. Uning ʻʻDoktor Voyjonim” ertagi ham bolalar uchun nihoyatda sevimli boʻlib, ertak syujeti gʻoyatda sodda: doktor Voyjonim kasal hayvonlarni davolash uchun Afrikaga, Limpopo daryosiga boradi. Yoʻlda unga boʻri, kit va burgut yordam beradi. Voyjonim 10 kun davomida fidoyilik bilan ishlaydi va bemorlarni davolaydi. Uning asosiy dori-darmoni shokolad va tuxum. Doktor Voyjonimning mehribonligi, jonkuyarligi, hayvonlar bilan inoq doʻstligi ibratomuz chizib berilgan. Doktor Voyjonim – mehr va rahm-shafqatning timsolidir.