Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitaning 2024-yil 28-oktyabrdagi 03–07/6508-raqamli xulosasi asosida tayyorlandi. Hozirgi kunimizda odamlar orasida moliyaviy muomalalarda turli kelishmovchiliklar, urush-janjallar va mahkamabozliklar chiqayotgani hech kimga sir emas. Bu kabi noxush holatlarni kamaytirish uchun nima qilish lozim? Bizningcha, shariatimizda koʻrsatilgan taʼlimotlarni yaxshilab oʻrganib, ularga amal qilish zarur.