“Boqiy darbadar” romanida yoʻlidan adashgan insoniyat qismati yoritilgan. Asar qahramonlarining tanazzulga yuz tutishi sababi oʻz Robbisidan yuz oʻgirishi, qadriyatlarga bepisand qarashidir. Asarning bosh qahramoni – tavqi-la'natga uchragan etikdoʻz butun bashariyatning ramziy maʼnosi hisoblanadi. Bashariyat yoʻldan adashmasligi, saodat manziliga toʻgʻri borishi, olam va odam oʻrtasidagi muvozanat buzilmasligi uchun Allohga imon keltirishi, taqdiri azalga rozi boʻlishi kerak.