Bir keça-kunduzda neçta söz işlatamiz? Şu sözlarimizning har birining asl mazmunini bilamizmi? Agar işlatayotgan sözlarimiz maʼnosini töliq anglaganimizda edi, naqadar özimizni, özligimizni anglagan, tilga – elga – bizni ulğaytgan şu zaminga sadoqatimiz, mehrimiz yanada ortgan bölur edi. Zotan, Sözdan uzoqlaşgan odam özidan uzoqlaşadi. özidan olislab ketayotgan odamning maʼnaviyati ham, özi ham zavolga moyildir. Özbekistonda xizmat körsatgan madaniyat xodimi, taniqli şoir Eşqobil Şukurning “Bobo Söz izidan” kitobi bevosita sözga, sözki, xalqimiz tarixiga tomirdoş bölgan, turkiy tillar oilasida xazinasi, jozibasi, rang-u harorati, qöyingki, şarafi baland asl özbek sözlariga bölgan katta muhabbati tufayli, ularni asrab qolişdek ezgu niyat samarasi ölaroq maydonga keldi. Hayot ummonida suzib borayotgan Til kemasining har bir yölovçisi şu uluğ ulov taqdiriga javobgar. Şu maʼnoda, “Bobo Söz izidan” kitobi maʼnaviy hayotimiz uçun bugun eng dolzarb asarlardan bittasi, desak, mubolağa emas. Şoirning sözlar tarixiga qilgan sayohatida unga yöldoş böliş sizga ham nasib etadi degan umiddamiz.