Mazkur toʻplamga Aziz Nesin, Shokir Balqi, Xusrav Shohoniy kabi sharq hamda Mixail Zoshchenko, Mark Tven, Jo Xyuz kabi yevropa adabiyoti vakillarining chuqur kulgi va yumorga boy hajviy hikoyalari kiritildi. Hikoya qahramonlari siz-u bizga oʻxshash hayot soʻqmogʻida oʻz yoʻlini qidirayotgan odamlar. Qahramonlar koʻrgan-kechirgan voqealarini, suhbatlashayotgan kishilarini shu qadar berilib, kuyinib “chiroyli” taʼriflab izohlashadiki, ularning bu holati, yaʼni soddadilligi, oʻy-kechinmalari, dunyoqarashlari, hayotiy tahlillari kitobxonda beixtiyor zavqlanib kulish hissiyotini uygʻotadi