Amir Alisher
Yurtimiz oʻz erkini qoʻliga olgach, Alisher Navoiyning toʻliq va toʻgʻri tarjimayi holini tiklashga ehtiyoj boʻlib, buyuk shoir va davlat arbobi hayoti va faoliyati bilan bogʻliq ilk qoʻlyozma manbalar qayta koʻrib chiqildi. Ularni qiyosiy-tipologik, tekstologik tahlildan oʻtkazish orqali XX asrgacha boʻlgan davrda yaratilgan maʼlumotlarning ilk manbalardan farqlanish darajasi aniqlandi. Alisher Navoiy hayoti va faoliyatining baʼzi nomaʼlum tomonlari oydinlashtirildi. Shu jarayonda bir qancha yangi axborotlar qoʻlga kiritilib, shoir hayoti tafsilotlarini toʻliq tasavvur qilish imkoniyati yaratildi. Ushbu kitobda muallifning shu yoʻnalishda olib borgan uzoq yillik izlanish va tadqiqotlarining natijalari qisqa va xronologik ketma-ketlikda keltirilgan.
