Sulton Jaloliddin Manguberdining Vatan va xalq ozodligi yo‘lidagi jasoratlari asrlar osha tillarda doston bo‘lib keladi. U hurlik, qahramonlik, vatanparvarlik timsoli sifatida she’rga, dostonu qo‘shiqlarga, qissayu romanlarga ko‘chgan. Ayniqsa, keyingi yillarda Sulton Jaloliddinga bag‘ishlangan juda ko‘plab adabiy asarlar yaratildi. Taniqli shoir va dramaturg Erkin Samandarning «Jaloliddin Manguberdi» asari ham shular jumlasidandir. Ushbu asar asosida taniqli radiorejissyor Rahmat Jumaev «Jaloliddin Manguberdi» radiopostanovkasini mahorat bilan yaratgan edi. Mazkur radioasar o‘z vaqtidayoq e’tibor va e’tirofga sazovor bo‘lgan.
