Shukur Xolmirzayev qalamiga mansub bo‘lgan ushbu “O‘n sakkizga kirmagan kim bor?” asari qissa janrida, 1964-yilda yozilgan. Ushbu asar o‘tgan asrning oltmishinchi yillarida yozilgan o‘zbek qissalarining eng yaxshi namunalaridan sanaladi. Qissa yigirma besh yoshli yozuvchiga o‘zbek kitobxonlari orasida katta shuhrat keltirgan. Ushbu mashhur muhabbat qissasini o‘qimagan, hech bo‘lmaganda nomini eshitmagan kitobxon yosh-u qari kam topiladi. Muhabbat, oqibat, adashish va qismat, hayotga intilish va yoshlar xarakterining chiniqishi muammolariga bag‘ishlangan bu qissa, mana, deyarli yarim asrdan buyon yoshlar tomonidan sevib o‘qiladi. Audiokitob Oʻzbekiston MTRK tomonidan tayyorlangan.
