N.Dáwqaraevtıń «Internatta» gúrrińinde ótken ásirdiń basında feodallıq-patriarxallıq dáwirdegi xalıqtıń basına túsken qıyınshılıqlar, ashlıq jıllar sóz etiledi. Tóresh – shıǵarmanıń bas qaharmanı, kishkene bala. Ákesiniń baydıń esiginde jumıs islewi, baydıń oǵan haqısın bermewi, haqısın talap etkende baydıń onı jaba menen óltiriwi, anası menen tirishilik izlep jolǵa túsiwi, joldaǵı kórgen azapları, Qońıratqa barıp baspana izlewi, Tóreshtiń balıq quwırdaqxanalarda bet-awızı kúye bolıp ashtan-ash júriwi, sońında internatqa qabıl etilip, toyıp-toyıp awqat jewi, anasınıń da internatqa jumısqa alınıwı sıyaqlı qızıqlı hádiyseler oqıwshını itibarsız qaldırmaydı.
