Ezgulikka yo'g'rilgan qalb olamni rang-barang tusda ko'radi. U hatto olamda mavjud bo'lmagan ranglarni-da tuya biladi va dunyoga, tiriklik olamiga shu ranglar orqali boqadi. Bunday kishilarning insoniy burch haqidagi ezgu tushunchalari hamisha kishilik dunyosini nurlantirib, jilolantirib turadi. Bunig aksi bo'lgan kishilar esa bu olamda faqat oq va qora ranglarnigina farqlaydi va hayotga bo'lgan munosabati ham shunga yarasha bo'ladi. Insoniyat yuzaga kelibdiki, mana shu ikki qutb o'rtasida kurash boradi. Xo'sh, bu qanaqa kurash va uning cheki-chegarasi bormi? Siz bu savolga ushbu kitobdan javob topasiz. Muallif romanida tiriklikni tebratuvchi qator tuyg'ularni go'zal bir yo'sinda ochib beraolgan.
