Zamonamiz qahramoni

Mixail Lermontovning “Zamonamiz qahramoni” qissasi oʻquvchini haqiqatda oʻylatadi. Asar insoniy munosabatlar – doʻstlik, muhabbat, sadoqat va xiyonat, axloq qoidalari ustiga qurilgan. Bosh qahramon – Zamonamiz qahramoni, yaʼni Pechorin ijobiy obraz emas, ammo uning aniq bir xislatini odamiylikdan mutlaqo yiroq, deb baholashimiz ham oʻrinli emas. Zamonamiz qahramoni – yozuvchining oʻzi eʼtirof etganidek, odamlarni qusurdan davolash uchun zarur boʻladigan “achchiq dori, oʻtkir haqiqat”. Pechorin bizning oramizda, bir havodan nafas olayotgan tanishimiz yoki qoʻshnimiz. Uning illatini oshirib, muqarrar jazoga roʻpara qilish insoniylikka qanchalik xos? “Dardning qanday dard ekanligini koʻrsatib berishning oʻzi kifoya, uni qanday davolashni Xudo biladi”.