Xoʻroz bilan tegirmon

Ertakda har qanday to‘siqni to‘g‘rilik, halollik va dovyuraklik bilan engish mumkinligi uqtiriladi. Ertakni O‘zbekiston xalq artisti Jo‘ra Tojiev o‘qigan. Qadim zamonda bir chol bilan kampir yashagan ekan. Ular juda kambag‘al bo‘lib, zo‘rg‘a kun ko‘risharkan. Asosan o‘rmon yong‘og‘i bilan tirikchilik qilisharkan. Bir kuni kampir o‘rmondan keltirgan yong‘og‘ining bittasini erto‘laga tushirib yuboribdi. Zahda qolgan yong‘oq nish urib daraxtga aylanibdi, o‘saverib-o‘saverib bo‘yi osmonu falakka etibdi. O‘rmondagi yong‘oqlar tugab qolgach chol uyidan osmongacha bo‘y cho‘zgan yong‘oq daraxtining tepasiga chiqibdi, bulutlar orasidan ham o‘tibdi...Keyin nima bo‘libdi, deysizmi? Buni, ertakni oxirigacha tinglab bilib olishingiz mumkin…