Sudxoʻrning oʻlimi

"Atrofimizda turlicha tabiat egalari bor. Kimdir ochiqkoʻngil – kimdir gʻazabnok, kimdir shafqatli – kimdir mehrsiz, kimdir samimiy – kimdir xushomadni yaxshi koʻradi. Ammo shunday tabiatli insonlar toifasi borki, ular nafaqat ogʻzaki gurunglarning, balki butun boshli asarlarning qahramonlariga aylanganlar. Shunday qahramonlardan biri, shubhasiz, Sadriddin Ayniyning xasislikda, sudxoʻrlikda dongʻi ketgan Qori Ishkambasidir. Boylik, mol-dunyo nafaqat koʻzini, balki butun ong-u shuurini egallab olgan Ishkamba obrazi, uning qarashlari, atrofdagi odamlar va yashayotgan muhitiga munosabati kitobxonning kulgidan koʻra, gʻazabini, koʻpchilik holatlarda esa chin dildan rahm-shafqat tuygʻusini uygʻotadi."